होम » विक्की कौशलसँग विवाहका लागि कट्रिना कैफले राखेकी थिइन् यस्तो शर्त, यसकारण भएकी थिइन् राजी

विक्की कौशलसँग विवाहका लागि कट्रिना कैफले राखेकी थिइन् यस्तो शर्त, यसकारण भएकी थिइन् राजी

by नागरिक टुडे

विक्की कौशल र कट्रिना कैफले ९ डिसेम्बरमा राजस्थानमा भव्य तरिकाले विवाह गरे । यो जोडीले आफ्नो विवाहका थुप्रै तस्बिर सोसल मिडिया प्लेटफर्मममा सेयर गरे, जुन अहिलेसम्म भाइरल भइरहेका छन् । तर कट्रिनालाई विवाहका लागि फकाउन विक्की कौशलका लागि कुनै पनि हालतमा सहज थिएन । कट्रिनाले विवाह गर्नअघि कौशलको अगाडि एउटा शर्त राखेकी थिइन् जुन रोचक छ ।

विक्कीलाई मन पर्दथ्यो कट्रिनाः
बलिउड लाइफमा छापिएको रिपोर्ट अनुसार कट्रिना कैफका एक आफन्तले एक अन्तरवार्ताका बेला विवाहसँग सम्बन्धित रोचक कुरा सुनाए । उनले भने, ‘यो सबैकुरा निकै अचानक भएको थियो । उनीहरुको भेट, रोमान्स, विवाह । कट्रिनासँग सम्बन्धमा रहेको दुई महिनापछि नै विक्कीलाई कट्रिनासँगै आफूले पूरा जीवन बिताउन सक्ने महसुस गरेका थिए । यद्यपि, कट्रिनालाई विवाह गरिहाल्छु भन्ने थिएन । कट्रिना आफ्नो पहिलो ब्रेकअपको पीडाबाट बाहिर आउन सकिरहेकी थिइनन् । उनलाई विक्की मन त पर्दथ्यो तर उनलाई थप समय चाहिएको थियो । ’
विक्कीले कट्रिनालाई विवाहका लागि यसरी मनाएः
उनले थपे, ‘विक्कीले कट्रिनालाई विवाहका लागि त्यतिबेलासम्म मनाए जबसम्म नायिकाले ‘हुन्छ’ भनिनन् । तर नायिकाले विवाह गर्नका लागि विक्कीको सामू एउटा विशेष शर्त राखेकी थिइन् । कट्रिनाले विक्कीलाई भनेकी थिइन्, ‘तिमीले मेरी आमा, दिदी बहिनी र पूरा परिवारलाई त्यसरी नै माया गर्नुपर्नेछ जसरी तिमीले मलाई माया गर्छौ ।’’
दिदी–दाइ, बहिनीसँग विक्कीको सम्बन्ध देखेर खुसी छिन् कट्रिनाः

उनका अनुसार विक्कीको कट्रिनाका दाइ दिदी, बहिनीसँग निकै उत्कृष्ट सम्बन्ध छ । उनीहरुबीच निकै राम्रो दोस्ती विकसित भएको छ । कट्रिना यो देखेर निकै खुसी पनि छिन् । रिपोर्टलाई विश्वास गर्ने हो भने विवाह अघि कट्रिनाका दाइ, दिदी, बहिनीलाई विक्कीले भेटेकै थिएनन् ।

 

यिनिहरू पढ्न छुटे की ?