होम » एकैसाथ मिसाएर नखानुहोस् यी खानेकुरा, शरीरका लागि छन् खतरनाक

एकैसाथ मिसाएर नखानुहोस् यी खानेकुरा, शरीरका लागि छन् खतरनाक

by नागरिक टुडे

खानपिनसँग सम्बन्धित बानीको असर मानिसको स्वास्थ्यमा स्पष्ट रुपमा देखिने गर्छ । केही स्वस्थ खानेकुराको सम्मिश्रण हाम्रो स्वास्थ्यका लागि निकै खतरनाक हुन्छ भनेर धेरैलाई थाहा नहुन पनि सक्छ । यस्ता खानेकुरा एकैपटक खाँदा तपाईं बिरामी पनि पर्न सक्नुहुन्छ । भारतकी आयुर्वेदिक चिकित्सक डा. दीक्षा भवसारले आफ्नो इन्स्टाग्राम अकाउन्टमा एउटा पोस्ट साझा गरेकी छिन् जसमा शरीरका लागि हानिकारक फूड कम्बिनेसनबारे जानकारी दिइएको छ ।

दुध र माछाः
दुध र माछा एकदम भिन्न प्रकारका खानेकुरा हुन् । त्यसैले यसलाई एकैपटक खानबाट जोगिनुपर्छ । दुध चिसो हुन्छ जबकी माछाको प्रकृति तातो हुन्छ । यी दुई खानेकुरा एकैपटक खाँदा हाम्रो रगत र शरीरिक क्रिया खराब हुनसक्छन् । विज्ञका अनुसार मानिसहरु दुध र नुनको सम्मिश्रणबाट पनि जोगिनुपर्छ ।

दुध र फलः

बनाना शेक मानिसबीच निकै लोकप्रिय छ । तर फल र दुधको सम्मिश्रण हाम्रो शरीरका लागि हानिकारक हुन्छ । विज्ञका अनुसार दुध, दही वा मोहीसँग कहिल्यै केरा खानुहुँदैन । दुध र केराको यो सम्मिश्रण रुघा, खोकी र एलर्जीको कारण बन्नसक्छ ।

घ्यू र महको समान मात्राः

घ्यू र मह समान मात्रामा कहिल्यै पनि सेवन गर्नु हुँदैन । यसले शरीरलाई नकारात्मक असर पार्न सक्छ । महको प्रकृति तातो र सुख्खा हुन्छ जबकी घ्यू चिसो र चिल्लोका लागि परिचित छ । यदि तपाईं घ्यू र मह मिसाएर खाइरहनुभएको छ भने दुईमध्ये कुनै एकको मात्रा धेरै राख्नुहोस् ।

दही र पनिरः

दही, पनिर र योगर्टजस्ता खानेकुरा चिसोमा खाँदा निकै फाइदाजनक हुन्छ । तर यस्ता खानेकुरा राती भने खानुहुँदैन । दही इन्फ्लेमेशन र रगत, पित्त, कफसँग सम्बन्धित समस्यालाई ट्रिगर गर्नसक्छ । जसको पाचन क्रिया खराब छ उनीहरुलाई पनिरले कब्जियतको समस्या निम्त्याउन सक्छ । यसै गरी महलाई कहिल्यै पनि तताएर खानु हुँदैन । यसले हाम्रो पाचन क्रियालाई सहयोग पुर्याउने एन्जाइम्स मार्नसक्छ ।

 

यिनिहरू पढ्न छुटे की ?