होम » ‘मिस नेपाल एसईई २०२१’ को उपाधि निकिसाले जितिन्

‘मिस नेपाल एसईई २०२१’ को उपाधि निकिसाले जितिन्

by नागरिक टुडे

‘मिस नेपाल एसईई २०२१’ को उपाधि निकिसा खड्काले जितेकी छन् । निकिसाले ‘मिस क्याटवाक’ को उपाधि पनि जित्न सफल भएकी छन् ।अभ्यानी प्रोडक्सनको आयोजनामा सञ्चालन भएको ‘मिस्टर एण्ड मिस नेपाल एसईई २०२१’ को फस्ट रनर अप र वेस्ट फिगरको उपाधि प्रिया गौतमले हात पारेकी छन्। त्यसैगरी  प्रमिसा सेजुवाल सेकेन्ड रनर अप हुन सफल भएकी छन्।

मिस्टर तर्फको उपाधि सविन निरौलाले जिते । उनले ‘मिस्टर मल्टिमिडिया’ र ‘ह्यान्डसम विथ परपोस’ को उपविधा पनि जित्न सफल भएका छन्। फस्ट रनर अपको उपाधि अपुर्व गौतमले जिते भने उनले मिस्टर ट्यालेन्ट पनि हात पारेका छन्। त्यसैगरी, रिन्जिन स्यानंबोले सेकेन्ड रनर अप उपाधि हात पारे र भ्युअर्स च्वाइस अवार्ड पनि जितेका छन्।

प्रोभिन्सतर्फको उपाधिमा प्रोभिन्स १ मा पेमा डोल्मा तामांग, प्रोभिन्स २ मा सुभेक्षा लामा, प्रोभिन्स ३ मा प्रिन्सा आचार्य, प्रोभिन्स ४ मा दिक्षा थापा मगर र प्रोभिन्स ५ मा पुजा वस्याल विजेता घोषित भएका छन्।

अभ्यानी प्रोडक्सनको ब्यानरमा आयोजित उक्त कार्यक्रममा राप्रपा नेता एवं प्रतिनिधिसभा सदस्य राजेन्द्र लिङ्देन प्रमुख अतिथिको रुमा थिए भने निर्णायक भूमिकामा मोटिभेसनल स्पिकर रोहित मल्ल, सिनियर कोरियोग्राफर महेश केसी, एस. पि. एम कृएसनको संस्थापक अध्यक्ष पवन आचार्य, संचारकर्मी तथा मोडेल प्रमिला कार्की, नेक्स्ट टप मोडेल अफ नेपाल २०१६ कि विजेता पुजा गिरी तथा फेसिनेटेड व्युटि पार्लरकी संचालक तथा व्युटि एक्सपर्ट लक्ष्मी महत रहेका थिए ।

उक्त कार्यक्रमलाई सम्पन्न गर्नका लागि सहयोगी भूमिकामा फेसन पेन्ट्स, एसपिएम कृयसन, ए.आई.टि.म कलेज, द चान्डवाग कलेज, ब्लुबर्ड कलेज, थ्रि एम, सिम्पान,कास्टमण्डप , फेसिनेटेड व्युटि पार्लर, ग्लोबल अनलाइन पे रहेका थिए। विषम परिस्थितिका बावजुद पनि कार्यक्रम सफल भएकाले आफूमा थप उर्जा प्राप्त भएको र यस्तै अभिमुखीकरण कार्यक्रमहरु फेरि प्रस्तुत गर्ने अभ्यानी प्रोडक्सनको संस्थापक अध्यक्ष अभिविन्द खनियाले जानकारी दिए।

२० दिनसम्म विभिन्न सुरक्षा मापदण्ड भित्र रही सन्चालन गरिएको व्यक्तित्व अभिमुखीकरण , जिवन कौशल कला र मोडलिङ सम्वन्धी उक्त तालिम कार्यक्रममा कोरियोग्राफरको भूमिकामा रोजिन शाक्य, अफिसियल फेसन डिजाइनर सिमोन पन्डित, प्रोजेक्ट डाइरेक्टर अनिकेत अधिकारी, डान्स कोरियोग्राफरको भुमिकामा सुजन श्रेष्ठ, र मुख्य व्यवस्थापकको भूमिकामा सौरभ चौधरी रहेका थिए।

यिनिहरू पढ्न छुटे की ?