होम » पौडीमा आज गौरिकाले प्रतिस्पर्धा गर्दै
Gaurika Singh before her practice session at Hotel Annapurna in Kathmandu on Monday, August 26, 2019. Photo: Udipt Singh Chhetry/THT

पौडीमा आज गौरिकाले प्रतिस्पर्धा गर्दै

by नागरिक टुडे

टोकियो ओलम्पिकअन्तर्गत नेपाली समयअनुसार आज दिउँसो ३ः४५ बजे पौडिवाज गौरिका सिंहले १ सय मिटर फ्रिस्टायलमा  प्रतिस्पर्धा गर्दैछिन् । प्रतिस्पर्धामा ५२ खेलाडीले प्रतिस्पर्धा गर्दैछन् र शीर्ष १६ स्थानमा रहने खेलाडी हिट चरणबाट दोस्रो चरणमा छनोट हुनेछन् । सय मिटर फ्रिस्टायलमा गौरिकाको नाममा नेपालको राष्ट्रिय कीर्तिमान छ ।

उनले १३ औँ सागमा ५८.१३ सेकेन्डमा निर्धारित दूरी पार गर्दै राष्ट्रिय कीर्तिमान बनाएकी थिइन् । टोकियोमा आफ्नो टाइमिङ सुधार्ने गौरिकाको लक्ष्य छ । टोकियो ओलम्पिकमा मङ्गलबार नेपाली पूरुष खेलाडी एलेक्जान्डर शाहले सय मिटर फ्रिस्टायलमा राष्ट्रिय कीर्तिमान बनाएका थिए । सय मिटर फिस्टायलको पहिलो हिट्समा प्रतिस्पर्धा गरेका उनले निर्धारित दूरी ५३.४१ सेकेन्डमा पौडिएका थिए । तर उनी दोस्रो चरणमा भने पुग्न सकेनन्।

यिनिहरू पढ्न छुटे की ?