होम » विश्वचर्चित २८ जना सेलेव्रिटीद्वारा गरिब मुलुकमा खोप वितरण गर्न जी-सेभेन देशहरुलाई आग्रह

विश्वचर्चित २८ जना सेलेव्रिटीद्वारा गरिब मुलुकमा खोप वितरण गर्न जी-सेभेन देशहरुलाई आग्रह

by नागरिक टुडे

राष्ट्रसंघीय नियोग युनिसेफका २८ जना सद्भावना दूतले जतिसक्दो चाँडो गरिब मुलुकहरुलाई कोभिड-१९ विरुद्धको खोप वितरणका लागि आग्रह गरेका छन् ।

सात धनी राष्ट्रहरुको समूह जी-सेभेनको शिखर सम्मेलन अघि खुला पत्र लेख्दै उनीहरुले सो आग्रह गरेका हुन् । आग्रह गर्ने दूतहरुमा प्रियंका चोपडा जोनस, डेभिड बेकह्याम, केटी पेरी, ओर्लान्डो ब्लुम, विह्पी गोल्डबर्ग, एन्जेलिको किड्जो र लायम नेसन छन् ।

कोरोनाको नयाँ भेरिएन्टको फैलावट रोक्नको तत्काल गरिब मुलुकहरुलाई २० प्रतिशत खोप वितरण गर्न खुलापत्रमा भनिएको छ । जी-सेभेनको सम्मेलन बेलायतको कर्नवेलमा सुरु हुँदैछ । यसपटक उक्त सम्मेलनमा कोभिड-१९ महामारी मुख्य मुद्दा बन्दैछ ।

‘विश्वले डेढवर्षदेखि भाइरससँग लडिरहेको छ । तर, भाइरस अझैपनि फैलिरहेको छ र म्युटेन्ट पनि भैहरेको छ’ पत्रमा भनिएको छ, ‘यसको अर्थ अझै विद्यालय बन्द हुनु, स्वास्थ्य प्रणाली अवरुद्ध हुनु र ठूलो आर्थिक संकट सिर्जना हुनु हो र जतसुकै परिवार र बालबालिकाको भविष्य जोखिममा पर्नु हो ।’

अहिले जी-सेभेनका नेताहरुलाई विश्वव्यापी खोप वितरणमा सुनिश्चितता प्रदान गर्न राष्ट्रसंघ लगायतका संस्थाले दबाब दिइरहेका छन् । खोप वितरण नगरेको भन्दै यी मुलुकमाथि चर्को आलोचना पनि भैरहेको छ ।

यिनिहरू पढ्न छुटे की ?